Ýurdumyzyň dokma senagaty üçin zerur çig mal bolan piläniň öndürilişini artdyrmaklyga uly üns berilýär. Öňde goýlan wezipeleriň üstünlikli ýerine ýetirilmegine goşant goşmagy maksat edinen Boldumsaz etrabynyň ýüpekçi kärendeçileri-de «Garaşsyz, baky Bitarap Türkmenistan — bedew batly at-myradyň mekany» ýylynyň pileçilik möwsümini guramaçylykly alyp barýarlar. Şu ýyl etrap boýunça 17 tonna pile öndürmek göz öňünde tutulyp, häzirki wagtda etrapda bu möwsümleýin işe isleg bildiren ýüpekçi kärendeçileriň 293-si yhlasly zähmet çekýär. Daýhan birleşikleriniň tejribeli ýüpekçileriniň hatarynda Saparmyrat Jepbarowy, Gözel Uzakowany, Tirkeş Nurgeldiýewi, Gülruh Sapaýewany görkezmek bolar. Ýüpek gurçuklaryna ideg etmekde köplere görelde bolmagy başarýan bu kärendeçiler gurçuklary wagtly-wagtynda iýmitlendirmek, kadaly ýylylykda, arassa saklamak ýaly zerur çärelere aýratyn üns berýärler.
 

“Daşoguz habarlary” gazetinde çap edilen
habarlar esasynda taýýarlanyldy.