Halkymyzyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde, hormatly Prezidentimiziň gatnaşmagynda ýokary guramaçylyk derejesinde geçen Halk Maslahatynyň nobatdaky mejlisiniň taryhy çözgütleriniň ähmiýetini wagyz etmek maksady bilen, Daşoguz şäher häkimliginiň şäheriň jemgyýetçilik guramalary bilen bilelikde guramagynda dabaraly maslahat geçirildi. Oňa jemgyýetçilik guramalarynyň, ýaşuly nesliň wekilleri, dürli pudaklarda zähmet çekýän adamlar gatnaşdylar.
Maslahatyň dowamynda il sylagly ýaşuly Ýolly Güýjow, mährem ene Nurjemal Jumageldiýewa, welaýat halk maslahatynyň başlygy Amanmyrat Kakyşow, şäher halk maslahatynyň başlygy Allanazar Garajanow, Daşoguz şäher pensiýa gaznasy bölüminiň başlygynyň wezipesini ýerine ýetiriji Mährijemal Amanowa, TMÝG-niň şäher geňeşiniň bölüm müdiri Çynar Mämedowa, Daşoguz şäherindäki 37-nji çagalar bagynyň terbiýeçi-usulyýetçisi Sülgünjemal Abdullaýewa dagy çykyş etdiler. Çykyşlaryň dowamynda giň halk köpçüligi bilen maslahatlaşylyp kabul edilen çözgütleriň ýurdumyzy mundan beýläk hem ösdürmekdäki, halkyň bagtyýar durmuşyny pugtalandyrmakdaky ähmiýeti dogrusynda giňişleýin gürrüň edildi. Döwlet hem jemgyýetçilik durmuşynyň öňe ilerlemegi ugrunda taýsyz tagallalary edýän Gahryman Arkadagymyzyň we Arkadagly Gahryman Serdarymyzyň atlaryna tüýs ýürekden hoşallyk sözleri aýdyldy.
 

“Daşoguz habarlary” gazetinde çap edilen
habarlar esasynda taýýarlanyldy.