Halkara parahatçylyk we ynanyşmak ýylyny hem-de hemişelik Bitaraplygymyzyň şanly 30 ýyllygyny dabaralandyrmak maksadynda TKA-nyň welaýat birleşmesiniň mejlisler zalynda dabaraly maslahat geçirildi. «Bitaraplyk — parahatçylykly ösüşiň oňyn ýoly» ady bilen geçirilen maslahata KA-nyň ilkinji guramalarynyň başlyklary we işjeň agzalary gatnaşdylar. 
Maslahatyň dowamynda TKA-nyň welaýat birleşmesiniň başlygy Aşyrdurdy Allaýew, guramaçylyk we medeni-köpçülik işleri bölüminiň müdiri Gylyçdurdy Haýdarow, pudaklar boýunça utgaşdyryjysy Jumagül Hojaýewa, welaýat statistika müdirliginiň hünärmeni, KA-nyň ilkinji guramasynyň başlygy Bibigül Nazarowa, saglygy goraýyş işgärleriniň KA-nyň Daşoguz şäher geňeşiniň başlygy Jennet Hallyýewa, Daşoguz şäherindäki 9-njy orta mekdebiň mugallymy, KA-nyň işjeň agzasy Hemra Kakajanow dagy çykyş etdiler. Çykyşlarda Halkara parahatçylyk we ynanyşmak ýylynyň ajaýyp şygarynyň asyl mazmunynda ata Watanymyzyň halkara ähmiýetli möhüm başlangyçlarynyň durandygy, halkara hukuk derejesi üç gezek ykrar edilen Bitarap Türkmenistanyň dünýä döwletleri, halkara guramalar bilen işjeň gatnaşyklary barada täsirli gürrüň edildi. 
Maslahatyň dowamynda hormatly Prezidentimiziň parasatly baştutanlygynda Bitarap Türkmenistanyň öňe sürýän parahatçylyk, ynanyşmak ýörelgeleriniň tutuş dünýäde mundan beýläk-de dabaralanmagy arzuwlandy. 
 

“Daşoguz habarlary” gazetinde çap edilen
habarlar esasynda taýýarlanyldy.