Bejergi geçirilýär
Köneürgenç etrabynyň «Galkynyş» daýhan birleşiginiň 300-e golaý pagtaçy kärendeçileri Halkara parahatçylyk we ynanyşmak ýylynda 650 gektar meýdanda ekilen gowaçanyň kadaly gögerişini gazandylar. Şu günler kärendeçiler bejergi işlerini guramaçylykly alyp barýarlar. Işleriň talabalaýyk guralmagy gowaçalaryň bol hasyl getirmegine uly mümkinçilik berýär. Işine ezber mehanizatorlar bolsa özlerine bekidilen tehnikalary saz işledip, hatarara bejergini ýokary hilli geçirmäge çalyşýarlar. Nurmyrat Durdyýew, Merdan Ardakow, Arazmuhammet Sarytaýew, Aşyrbaý Amannepesow ýaly mehanizatorlaryň çekýän ýadawsyz zähmetiniň netijesinde her günde 35 — 40 gektar ýerde hatarara bejergi işi geçirilýär.
“Daşoguz habarlary” gazetinde çap edilen
habarlar esasynda taýýarlanyldy.