Golaýda paýtagtymyz Aşgabat şäherinde sportuň küşt görnüşi boýunça 8, 10 we 12 ýaşly türgenleriň arasynda halkara ýaryş geçirildi. Bu ýaryşda türkmenistanly küştçüler umumy medal hasaby boýunça birinji orny eýelediler. Daşoguz şäherindäki 4-nji sport mekdebiniň türgeni Dilber Hupbyýewa küştüň rapid görnüşi boýunça 12 ýaşly gyzlaryň arasynda altyn medalyň eýesi bolmagy başardy.
Şol mynasybetli Daşoguz şäher häkimliginiň mejlisler zalynda aýdym-sazly dabara geçirildi. Dabara bilim, sport ulgamynyň işgärleri gatnaşdylar. Dabarada çykyş edenler ýurdumyzda milli sporty galkyndyrmak, sagdyn bedenli ýaş nesli kemala getirmek babatda uly işleriň amala aşyrylýandygy buýsanç bilen bellenildi. Dabarada milli sportumyzy täze taryhy döwrümizde belent sepgitlere ýetirmekde ägirt uly işleri amala aşyrýan Gahryman Arkadagymyza we Arkadagly Gahryman Serdarymyza alkyş aýdyldy.
Altyn medalyň eýesi Dilber Hupbyýewa welaýatyň jemgyýetçilik guramalarynyň gymmat bahaly sowgatlary gowşuryldy. Dabaranyň dowamy aýdym-sazly çykyşlar bilen utgaşdy.
 

“Daşoguz habarlary” gazetinde çap edilen
habarlar esasynda taýýarlanyldy.